११ मंसिर,
बाँके — जिल्ला प्रहरी कार्यालय बाँकेले अलग–अलग मुद्दामा फरार रहेका दुई जनालाई पक्राउ गरी अदालतमा बुझाएको छ।
लागूऔषध मुद्दामा सम्मानित बाँके जिल्ला अदालतले मिति २०८१।०८।१२ गतेको फैसलामार्फत १ महिना १२ दिन कैद सजाय तोकिएका बैजनाथ गाउँपालिका–३ का राजु चौधरीलाई बुधबार प्रहरीले पक्राउ गरेको छ। उनलाई आवश्यक कानुनी कारवाहीका लागि अदालतमा प्रस्तुत गरिएको जिल्ला प्रहरी कार्यालयले जनाएको छ।
त्यसैगरी, चोरी मुद्दामा मिति २०७१।०६।०७ गते बाँके जिल्ला अदालतको फैसलाले १ वर्ष कैद र रु. १,००० जरिवाना तोकिएका कोहलपुर नगरपालिका–१० का रोहित कुमार थारुलाई बिहिबार प्रहरीले पक्राउ गरेको छ। उनलाई पनि आवश्यक प्रक्रिया पूरा गर्न अदालतमा बुझाइएको प्रहरीले जनाएको छ।
प्रहरीका अनुसार दुबै प्रतिवादी लामो समयदेखि फरार रहेका थिए।
जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक दिपक पातलीले दुबै जनालाई अदालतमा आवश्यक कारबाहीका लागि प्रस्तुत गरिएको जानकारी दिए।
